Tirana po kalon formën më të mirë në Abissnet Superiore, ndërsa në katër ndeshjet e fundit regjistron tri fitore dhe një barazim. Orges Shehi në të tri sfidat që janë fituar, ka nxjerrë në pah Fredi Alvarezin që tashmë është titullar i padisktueshëm.Mesfushori me tipare sulmuese ka vlerësimin maksimal të trajnerit Shehi siç edhe duket nga deklaratat. Pengesa e vetme deri tani është forma fizike, pasi Alvarezin e konsideron si një nga lojtarët e paktë që bëjnë ndryshimin në kampionat.
DEKLARATA E SHEHIT PAS FITORES ME BYLISIN:
“Nuk ishte vetëm Kortez që ndërtoi, meriton komplimente dhe Alvarez. Ka shumë futboll, por ana fizike e penalizon. Kur futëm Fredin dhe Tabekun, ishte pikëstacioni për ne.
PAS FITORES ME VORËN:
“Meritojnë komplimente çunat, gjendja fizike e çunave nuk është e duhur. Sidomos Alvarez, që kishte mënyrë loje për t’u pasur zili. Jemi munduar të menaxhojmë lojën për shkak të gjendjes së lojtarëve”.
PAS FITORES ME EGNATIAN:
“Ndërhymë pas pjesës së parë. E dimë që Alvarez nuk e ka gjendjen e mirë. Por, si e luan ai futbollin, janë lojtarë të paktë, por ai është stacion shumë i mirë, të jep qetësi. Për këtë e lamë në fushë, për të kapur edhe hapësirat me pasimin e tij të mirë. E dinim që gjendja e tij nuk është optimale, kërkonim që të ishte tek ato zonat aty, por për cilësitë që ka me topin, ta shfrytëzonim”.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
