Dy çerekfinalet e kthimit në Champions, të luajtura këtë të martë, sollën emocione të mëdha. Barcelona nuk kompleton përmbysjen e madhe dhe eleminohet në këtë fazë. Pavarësisht fitores 1-2 në këtë mbrëmje, në gjysmëfinale shkon Atletico Madrid, pasi ka triumfuar 0-2 në aktin e parë.
Katalanasit treguan dëshirë të madhe dhe shënuan dy herë në pjesën e parë me Yamal dhe Torres. Lookman ngushtoi shifrat në fund të fraksionit.
Në pjesën e dytë, Barça “tundi rrjetën” me Torres, por goli u konsiderua i parregullt për Offside.
Eric Garcia la skuadrën e Flick me një lojtar më pak, pasi u ndëshkua me karton të kuq 10 minuta nga fundi. Shifrat nuk ndryshuan deri në vërshëllimën përfundimtare, me Barcelonën që kthehet në shtëpi përpara kohe, ndërsa në Madrid festa është e “ligjshme”.
PSG nuk fal dhe shkon në gjysmëfinale. Kampionët e Europës, pasi mundën 2-0 në ndeshjen e parë Liverpool, përsëritën veten në takimin e kthimit dhe fituan 2-0.
