Mbrëmja e djeshme në spektaklin Ferma VIP solli një nga momentet më të veçanta dhe më të diskutuara të këtij sezoni, duke tërhequr menjëherë vëmendjen e publikut.
Gjithçka nisi me surprizën për konkurrentin Klod Dedja, i cili u vizitua nga partnerja e tij. Ajo u shfaq në ambientet e fermës e maskuar, duke refuzuar kategorikisht të zbulojë identitetin e saj para kamerave, një veprim që shtoi edhe më shumë kuriozitetin mes banorëve dhe publikut.
Megjithatë, misteri nuk zgjati shumë jashtë spektaklit. Sipas raportimeve të Piranjat News, partnerja e Klodit është Ersa Kana, ndërsa bëhet me dije se mes tyre ekziston një diferencë moshe prej rreth 25 vitesh.
Identiteti i saj është përforcuar edhe nga aktiviteti në rrjetet sociale, ku të dy ndajnë në profilet e tyre të Instagramit një link të përbashkët biznesi, duke lënë të kuptohet për një lidhje jo vetëm personale, por edhe profesionale.
Pavarësisht diferencës së moshës dhe distancës që i ndan aktualisht, Klodi nuk i kurseu emocionet gjatë transmetimit live. Ai bëri deklarata të forta dashurie, duke theksuar se partnerja e tij ka ndryshuar mënyrën si ai e percepton ndjenjën e dashurisë.
“Ersa është një vepër arti. Kemi një vit e pak bashkë, por na duket si 3 minuta. Për herë të parë në jetë kam kuptuar çfarë do të thotë dashuria për një femër… Ne kemi rreth 25 vite diferencë, por mua më duket se jam unë më i vogël. Ndihem në faj që jam brenda, e kam merak Ersën,” u shpreh ai.
