Pas përfundimit të javës së 32-të të kampionatit “Abissnet Superiore”, trajnerët e ekipeve kombëtare kanë përzgjedhur edhe 11-shen më të spikatur të kësaj jave. Në krye të saj është vendosur trajneri i Flamurtarit, Andi Ribaj, pas fitores 2-0 të vlonjatëve ndaj Egnatias.
Në portë është përzgjedhur Romeo Harizaj, i cili mbajti të paprekur portën e Vorës në sfidën përballë Vllaznisë. Reparti i mbrojtjes përbëhet nga Denis Gurishta (Vllaznia), Sembene (Partizani), Klevis Kasa (Elbasani) dhe Faton Neziri (Dinamo City).
Në mesfushë janë përzgjedhur Abbas (Elbasani) dhe Patrik Myslovic (Tirana), ndërsa në repartin ofensiv spikasin Camara (Bylis), Mario Barjamaj (Vora) dhe Erald Maksuti (Flamurtari).
Në majën e sulmit është vendosur Archange Bintsouka (Flamurtari), i cili u dallua me paraqitjen e tij në këtë javë të kampionatit.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
