Rafa Leao ka qenë dhe mbetet një temë e nxehtë në Milano, prej shumë vitesh, por këtë herë diskutimi është ndryshe, pasi drejtuesit e Milan kanë vendosur ta lënë të lirë, madje janë gati ta shesin edhe me pak skonto. Ylli portugez ka një kontratë të vlefshme me “djallin” deri në vitin 2028, ndërsa përfiton afro 7 milionë euro në vit. Forma jo e mirë këtë sezon, shpesh e shoqëruar edhe me ankesa, ka bërë që Milan t’i tregojë “derën”.
Sipas mediave italiane, në fund të këtij sezoni, Milan është i hapur për të dëgjuar çdo ofertë që do të vijë në drejtim të Leao-s. Portugezi është i lirë të largohet, por jo pa marrë atë që kërkojnë. Nëse vjen një ofertë prej 40-50 milionë euro, Milan është gati ta lë të lirë Rafa Leaon. Kjo është një shifër që shumë klube, në Angli dhe në Arabinë Saudite, janë të gatshme ta paguajnë në çdo moment. Nuk përjashtohet nga kjo garë edhe Barça, me ekipin blaugrana që e ndjek prej kohësh.
Allegri është përpjekur shumë këtë periudhë të menaxhojë me kujdes Rafa Leao-n si në aspektin sportiv, ashtu edhe jashtë fushë, por përfundimi nuk ka qenë ai që pritej. Deri në këtë pikë të sezonit, Leao ka shënuar 9 gola dhe ka dhuruar 3 asite, shifra që nuk bind aspak, nuk justifikojnë statusin e tij.
Së fundmi, Leao është përballur edhe më një situatë të paprecedentë ku në “San Siro” nuk kanë munguar edhe vërshëllimat nga ana e tifozëve. Drejtuesit e Milan shpresojnë shumë që Leao të “ndizet” edhe një herë me fanellën e Portugalisë, shpresojnë shumë që të zhvillojë një Botëror pozitiv për të rritur vlerën e tij në tregun e transferimeve në mënyrë që t’i marrin më shumë kartonit të tij.
