Bota e futbollit është tronditur pas njoftimit për sulm të dhunshëm ndaj Alamara Djabi, lojtar 19-vjeçar nga Guinea. Klubi i Midtjylland në Danimarkë, konfirmoi se futbollisti u godit me thikë, duke pësuar lëndime serioze, të cilat kërkonin dy ndërhyrje kirurgjikale urgjente. Për fat të mirë, mjekët tani e konsiderojnë gjendjen e Djabit, si të qëndrueshme.
“Alamara Djabi u plagos rëndë në një sulm me thikë dhe tani është në gjendje të qëndrueshme pas dy operacioneve. Ai është zgjuar nga koma e induktuar dhe është mirë, duke pasur parasysh rrethanat”.
