Një debat i fortë ka shpërthyer në “Ferma VIP” mes Mozës dhe Sarës, ku situata ka eskaluar deri në përfshirjen e fëmijëve të konkurrenteve, duke sjellë reagime emocionale dhe përplasje të ashpra mes tyre.
Gjatë një momenti pune në fermë, Moza iu drejtua Sarës me fjalët: “Ik në kopsht bashkë me fëmijët e tu”, deklaratë që e preku rëndë Sarën, e cila shpërtheu në lot dhe e cilësoi gjuhën e përdorur si ofenduese.
Sara reagoi duke thënë: “Je manipuluese. Kërko ndjesë aty dhe kaq”, ndërsa Moza u përgjigj: “Manipuluese je ti”.
Në debat u përfshi edhe Ermal, i cili u shpreh: “Më erdhi keq që i pashë. Nuk është bukur që dy gra të zihen në atë formë”, duke shtuar se nuk është e drejtë që në konflikt të përfshihen fëmijët. Sara nga ana e saj theksoi: “Mua më është thënë ‘psikomanjake’, më është thënë ‘shko në kopshtin e fëmijëve’”.
Moza këmbënguli se nuk i ka prekur fëmijët, duke u shprehur: “Nuk ia preka fëmijët. I thashë ‘shko me kalamajtë në kopsht’. E kisha për sjelljen e saj fëminore”. Ajo shtoi gjithashtu: “Fëmijët e Sarës i përshëndes”.
Debati vijoi edhe më tej, ku Sara reagoi ashpër: “As mos i përshëndet fare! Boll se le nam”, duke e përshkallëzuar tensionin mes tyre.
Ndërkohë, në një tjetër diskutim brenda fermës, Sara si kryefermere ka ndarë detyrat mes konkurrenteve, por jo të gjitha kanë qenë të kënaqura. Malbora ka shprehur pakënaqësi për ndarjen e punëve, duke deklaruar se nuk i është dhënë mundësia të punojë me kafshët dhe se është lënë vetëm me punët e shtëpisë, përfshirë pastrimin e banjos.
“Kam 4 javë që nuk më është dhënë shansi të shkoj te kafshët. Më japin vetëm punët e shtëpisë”, është shprehur Malbora, duke shtuar se kjo situatë krijon konflikt të panevojshëm.
Sara nga ana e saj ka hedhur poshtë pretendimet, duke u shprehur: “Ti më ke prekur familjen”, ndërsa tensionet brenda fermës vijojnë të rriten mes konkurrenteve.
