Chelsea po mbyll një sezon totalisht të dështuar, me blutë që janë jashtë çdo turneu evropian, aktualisht ndodhen në vendin e tetë në Premier League, por të paktën janë ende në garë në FA Cup. Së fundmi, drejtuesit e klubit shkarkuan Liam Rosenior, një trajner me të cilin kishin nënshkruan një kontratë deri në vitin 2032. Ky shkarkim i detyruar vjen me një faturë shumë të kripur nga ana financiare, por jo vetëm kaq, pasi i kushtëzon disi edhe në zgjedhjen e ardhshme. Këtë herë drejtuesit e Chelsea-t nuk dëshirojnë të nxitohen, as të eksperimentojnë, por t’i besojnë stolin një trajneri ekspert.
Emri i parë në listën e dëshirave është Xabi Alonso. Teknuku spanjoll është një profil që e njeh shumë mirë Premier League, dikur si lojtarë shkroi historinë me fanellën e Liverpool, ndërsa si trajneri i dhuroi Bayer Leverkusen titullin në Gjermani, por aventura e fundit, ajo në stolin e Real Madrid u mbyll me një shkarkim të bujshëm.
Sky Sport zbulon se në listën e dëshirave janë edhe dy trajnerë të tjerë, Andoni Iraola dhe Marco Silva. Iraola po zhvillon një super sezon me Bournemouth, aktualisht ndodhe në vendin e 7-të në Premier League.
Marco Silva është gjithashtu një profil interesant, me trajnerin e Fulham që është edhe opsioni me më pak kosto. Në çdo rast, Chelsea do të marrë një vendim përfundimtar vetëm në përfundim të këtij sezoni, duke fituar në këtë mënyrë më shumë kohë.
