Ka kaluar pothuajse një vit që nga eliminimi dramatik i Barcelonës-s nga Interi në gjysmëfinalen e Champions, por ndeshja nuk është harruar ende nga disa tifozë.
Skuadra italiane kaloi në finale me një rezultat të përgjithshëm 7-6, ndërsa nuk munguan vendimet e diskutueshme të arbitrit. Kohët e fundit, një tifoz i Barcelonës iu afrua gjyqtarit polak Szymon Marciniak, duke i kujtuar pikërisht atë ndeshje.
Ende nuk të kam falur për atë që ndodhi vitin e kaluar në ndeshjen kundër Interit,” i tha tifozi.
Marciniak iu përgjigj: “Nga pikëpamja ime, nuk ka asgjë për të falur. Të them të drejtën, vendimet e mia ishin në favor të Barcelonës. Në fushë, unë nuk e dhashë penalltinë ndaj Interit, pastaj VAR më thirri dhe më tregoi se kishte një faull. Pastaj dhashë një penallti ndaj Barcelonës dhe VAR më korrigjoi sepse ishte katër ose pesë centimetra jashtë zonës. Kështu është jeta!”.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
