Lori Hoxha ka hyrë në një kapitull të ri në jetën e saj personale. Sipas burimeve për Anabel, ajo dhe partneri i saj, Vis Bajraktari, janë bërë prindër për herë të parë, duke mirëpritur në jetë një djalë.
Si zakonisht, Lori ka zgjedhur ta përjetojë këtë moment larg vëmendjes publike, duke ruajtur privatësinë që e ka karakterizuar gjithmonë në raport me jetën e saj personale.
Megjithatë, prej muajsh qarkullonin aludime për një shtatzani. Gjatë muajt mars, një foto e publikuar me motrën e saj, Sara Hoxha, nxiti diskutime në rrjet. Ishim pikerisht ne, Iconstyle, që publikuam foton e saj që ndau në rrjet, ku shfaqej e veshur me rroba të gjera dhe në ngjyra të errëta.
Duke i vendosur fotos një ndriçim më të lartë, forma e barkut dukej më e theksuar dhe dallohej barku i rrumbullakosur.
Ndërkohë, në dhjetor 2025, Lori u shfaq publikisht për herë të parë me partnerin e saj, Vis Bajraktarin, pas lajmeve për martesën. Të dy morën pjesë në përvjetorin e 10-të të fondacionit “Fundjavë Ndryshe”, duke shënuar një nga daljet e tyre të rralla së bashku në publik.
Për momentin, Lori nuk ka ndarë asnjë postim për ketë moment të veçantë të jetes së saj.
