Në Londër, por jo vetëm, suksesi i Arsenal përballë Atletico Madrid u festua gjatë. 20 vite kishin tifozët e Arsenal që prisnin për këtë ditë, këtë herë ditën të vuajnë, u treguan cinikë duke arritur në një përfundim që në dy dekada nuk e kishin arritur yje të mëdhenj të futbollit botëror. Pa diskutim që Mikel Arteta nuk i fshehu emocionet për këtë arritje të madhe:
“Është një rrugëtim i jashtëzakonshëm. Jam i lumtur për lojtarët dhe tifozët tanë. Për herë të dytë në histori jemi në gjysmëfinale të Champions League. Të fitosh ose jo ndeshje të tilla varet vetëm nga detajet që mund të mos kontrollohen, por e vetmja gjë e sigurt është që ky ekip do jap gjithçka, gjithmonë”, u shpreh Arteta.
Njeriu i ndeshjes sipas UEFA-s, u vlerësua Rice, por ai që vendosi këtë sfidë ishte Saka. Sulmuesi anglez u shfaq i lumtur pas sfidës kundër Atletico Madrid: “Është një ndjesi e jashtëzakonshme, kjo shihet tek ne, te tifozët, jemi të gjithë të lumtur. Kjo ishte një ndeshje me shumë intensitet, shumë e rëndësishme për të dy ekipet. Ne arritëm ta menaxhonim më mirë për këtë arsye jemi në finale”, theksoi Saka pas ndeshjes.
Cholo Simeone këtë herë nuk arriti të dërgojë Atletico Madrid në finale, por tekniku argjentinas pranon atë që dha fusha:
“Në këtë përballje dyshe, në disa momente përcaktuese, nuk u treguam konkret. Në çdo moment luftuam kundër një ekipi me një fuqi të madhe ekonomike. A ishte penallti ajo e Calafiorit ndaj Griezmann? Tani nuk ka asnjë vlerë të flasim për këtë. Në futboll kështu ndodh, ka raste kur episodet janë në favor, ka raste jo. Sigurisht që jemi të zhgënjyer, por nuk kam se çfarë t’i kërkoj skuadrës, nuk mund të bënim më shumë se kaq. Arritëm deri në gjysmëfinale, diçka që shumë pak e besonin. Nuk më mbetet gjë tjetër vetëm t’i bëj komplimente Arsenal dhe Artetës, kanë shumë vite që punojnë për ta arritur këtë”, u shpreh Simeone në konferencë për shtyp.
