Pas debatit të fortë që trazoi atmosferën në “Ferma VIP”, Ola ka reflektuar publikisht për sjelljen e saj, duke pranuar se reagimet e fundit mund të kenë krijuar energji negative te publiku dhe banorët e tjerë. Gjatë Prime-t të sotëm, ajo u shpreh se do të zhgënjehej nëse publiku do ta mbante ende në garë, në rast se perceptohet si një figurë që nuk ka dhënë shembullin e duhur.
“Nëse unë u kam dhënë enegji negative njerëzve, do zhgënjehesha nëse do më mbanin. Dua që nga këtu të dalin figura të pastra e të japin një shembull. Unë nuk e kam bërë. E kam çuar veten në atë pikë që të më gjykojnë dhe nuk mund tu kthej përgjigje. Kur bën keq, të vret”, tha Ola.
Situata e krijuar ka sjellë reagime edhe nga fermerët e tjerë, të cilët kanë komentuar tensionin e ditëve të fundit dhe gjendjen emocionale të Oles.
“Jam ndjerë shumë keq dhe e kam shprehur. Nuk jam ndjerë mirë për situatën. Ola ka shumë vlera dhe mund ti shpreh”, tha Sara.
Ndërkohë, Soni u shpreh se edhe vetë Ola e ka kuptuar gabimin e saj dhe po përballet me pasojat emocionale të situatës.
“Edhe vetë e ka kuptuar që ishte njjë reagim i gabuar. E rëndon përballja me situatën dhe me familjen”, deklaroi Soni.
Nga ana tjetër, Moza tha se po pret vendimin e publikut për të vendosur nëse do të ketë një përballje apo jo me Olën.
“Po pres vendimin e publikut dhe nëse qëndron do shoh mundësinë për të folur. Nëse nuk krijohet, do e shmang”, tha Moza.
