487 milionë sterlina investoi Liverpool vetëm këtë vit, por të kuqtë po mbyllin një sezon zhgënjyes, pa trofe. Vetëm prezenca në Champions League nuk mjafton për të shpëtuar stolin e Arne Slot duke bërë që e ardhmja e tij, ose më saktë e ardhmja e pankinës së kuqe të jetë një rebus i madh. Prej kohësh, në Liverpool qarkullon fuqishëm emri i një ishi të famshëm, Xabi Alonso, të paktën kjo është dëshira e madhe e tifozëve, pasi drejtuesit e klubit nuk janë shumë të bindur.
Për të zbehur kuotat e Alonsos mjaftoi shkarkimi i tij i bujshëm nga Real Madrid. Në janar, pasi Perez vendosi të largonte teknikun bask, drejtuesit e Liverpool vendosën të kontaktonin me përfaqësues të Real Madrid, për të kuptuar arsyen e vërtetë të këtij shkarkimi, punën e bërë nga Alonso etj, në mënyrë që të bënim vlerësimet e tyre, të kuptonin më saktë nëse Alonso është apo jo një opsion për të zëvendësuar Arne Slot.
Jo vetëm kjo stepje, në të njëjtën kohë, Alonso është një emër që po qarkullon edhe në Londrës, me baskun që shihet nga drejtuesit e Chelsea si opsion për t’i besuar stolin. Mediat në Angli kanë zbuluar se Alonso ka shprehur pëlqimin e tij për të marrë drejtimin e bluve, por Alonso nuk është i vetmi, kandidatë për të pasuar Rosenior në krye të Chelsea-t janë edhe Andoni Iraola dhe Marco Silva.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
