C.Ronaldo duhet të pres për të festuar titullin e tij të parë në Arabinë Saudite. Një gafë portierit Bento në minutën e 98-të i ngriu buzëqeshjen CR7, me legjendën portugeze që ishte bërë gati të festonte, por e mbylli thuajse në lot. Ndaj Al Hilal të Simone Inzaghi-t mjaftonte fitorja për të mbyllur llogaritë dy javë përpara fundit të sezonit.
Gjithçka po shkonte në rrugën e duhur teksa Simaken kaloi Al Nasrr në avantazh në minutën e 37-të. Vendasit menaxhuan me kujdes pjesën e mbetur të këtij takimi, madje në minutën e 83-të trajneri Jorge Jesus uli në stol edhe C.Ronaldo, një përpjekje kjo për të fituar kohë dhe për të freskuar ekipin.
https://www.youtube.com/watch?v=FHs_qK_qELs
Atëherë kur më pak pritej, kur Ronaldo dhe tifozët ishin bërë gati të festonin, në minutën e 98-të, një rivënie fundore pa shumë pretendime, një top i gjatë në zonë bëri që Al Hilal të barazonte shifrat, me portierin Bento që nuk arriti të kontrollonte topin duke bërë që festa e CR7 të shtyhen në kohë. Me 5 pikë diferencë 2 javë përpara fundit, Al Nassr ka ende në dorë fatet e titullit, detaj ku u ndal edhe Ronaldo në reagimin e tij në rrjetet sociale:
“Ëndrra është afër. Kokën lart, kemi edhe një hap për të bërë! Faleminderit të gjithëve për mbështetjen e mahnitshme”, shkroi CR7.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
