Tirana e mbylli sezonin në vendin e gjashtë në Superiore, duke zhvilluar një kampionat larg pritshmërive të klubit bardheblu. Në 36 ndeshje të luajtura, Tirana arriti të grumbullojë 44 pikë, me një mesatare prej 1.22 pikësh për takim.
Bardheblutë regjistruan 11 fitore gjatë sezonit, po aq sa edhe barazime, ndërsa u mposhtën në 14 takime. Statistikat tregojnë vështirësitë që skuadra hasi gjatë gjithë kampionatit, sidomos në ruajtjen e vazhdimësisë në rezultate. Në aspektin ofensiv, Tirana shënoi 36 gola, me një mesatare prej 1 goli për ndeshje, ndërsa mbrojtja pësoi 46 gola, ose 1.28 për takim.
Kjo diferencë negative ishte një nga faktorët që ndikoi në renditjen finale të ekipit. Një tjetër tregues i sezonit të bardhebluve ishte edhe numri i lartë i ndeshjeve me pak gola. Në 25 nga 36 takime, sfidat e Tiranës përfunduan me më pak se 2.5 gola, ndërsa vetëm 11 ndeshje kaluan këtë shifër. Skuadra arriti të mbante portën të paprekur në 10 ndeshje, por po në 10 raste nuk arriti të gjente rrugën e rrjetës. Gjithashtu, në 18 takime të sezonit shënuan të dyja skuadrat, statistikë që përbën 50% të ndeshjeve të kampionatit për Tiranën.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
