Charli xcx ka zbuluar një zakon të pazakontë që lidhet me rutinën e saj të bukurisë pas netëve të gjata jashtë. Në një intervistë të fundit, këngëtarja ka treguar se ndonjëherë zgjedh të flejë me makeup-in ende në fytyrë pas festave, duke e konsideruar këtë pjesë të stilit të saj “grunge”.
Sipas saj, kur kthehet vonë në shtëpi, nuk e sheh të nevojshme të heqë menjëherë grimin. “Nëse kanë mbetur pjesë të makeup-it, më pëlqen kështu. Grunge është pjesë e idesë. Dita tjetër tashmë ka filluar, kështu që thjesht fle me të,” ka thënë ajo.
Charli XCX ka folur gjithashtu për preferencat e saj në makeup, duke theksuar se i pëlqen një pamje më e thellë dhe dramatike, veçanërisht një sy i errët dhe eyeliner i theksuar. Ajo ka treguar se makeup-i për të nuk është thjesht estetikë, por një mënyrë e fortë shprehjeje personale.
Artistja ka shtuar se shpesh nuk i ndjek rregullat tradicionale të bukurisë dhe preferon të eksperimentojë me pamjen e saj gjatë gjithë ditës apo natës. Madje, pas eventeve të mëdha si Met Gala, ajo ka qëndruar jashtë deri në orët e mëngjesit pa ndryshuar grimin, duke e lënë atë të evoluojë natyrshëm.
Sipas saj, thelbi i makeup-it është autenticiteti: “Bëhu i guximshëm, shpreh veten dhe mos kopjo të tjerët.”
