Maran vs Silvinjo, diferencë e madhe në shifrat e trajnerëve

Kombëtarja shqiptare po hyn në një fazë të re të historisë së saj, me një ndryshim të rëndësishëm në drejtimin teknik. Pas një periudhe që solli një nga sukseset më të mëdha të viteve të fundit, kualifi kimin historik në Euro 2024 dhe “play off”-in e Kupës së Botës, braziliani Silvinjo i ka lënë vendin italianit, Rolando Maran.

Ky ndryshim nuk përfaqëson thjesht një rotacion në stol, por një kalim mes dy fi lozofi ve të ndryshme futbolli. Nga një stil modern, ofensiv dhe i bazuar në mbajtjen e topit nën drejtimin e Silvinjos, Shqipëria pritet bëhet një skuadër më pragmatiste, tipike e futbollit italian me një trajner si Maran, që të gjithë karrierën e tij e ka bazuar në Itali.

SILVINJO SI TRAJNER- Silvinjo mbërriti në drejtimin e Kombëtares shqiptare në vitin 2023, fi llimisht me shumë pikëpyetje, por shumë shpejt u shndërrua në një nga projektet më të suksesshme të dekadave të fundit për kuqezinjtë. Si ish-lojtar me një karrierë elitare te klube si Arsenal, Barcelona dhe Mançester Siti, ku fi toi edhe Champions League, ai solli në pankinë një fi lozofi të ndikuar qartë nga emra si Pep Guardiola dhe Roberto Mançini, gjë të cilën e ka pranuar shpesh herë edhe vetë nëpër intervista të ndryshme. Gjatë drejtimit të tij, Shqipëria u transformua në një skuadër më moderne dhe më e organizuar në lojën me top. Posedimi u bë më i strukturuar, presingu më agresiv, ndërtimi i aksioneve nisi nga mbrojtja dhe u rrit ndjeshëm besimi te lojtarët.

Ky evolucion u kurorëzua me kualifi kimin historik në Euro 2024, duke e kthyer Shqipërinë në një skuadër që nuk konsiderohej më vetëm “e vështirë për t’u mundur”, por një ekip që mund të konkurrojë realisht në nivel europian. Në total, Silvinjo ka regjistruar 89 ndeshje në karrierën e tij si trajner, me 35 fi tore, 25 barazime dhe 29 humbje, duke arritur një mesatare prej 1.46 pikësh për ndeshje. Në drejtimin e Shqipërisë, kjo shifër është edhe më e lartë, rreth 1.53 pikë për ndeshje, çka tregon qartë rritjen e performancës së skuadrës gjatë periudhës së tij. Megjithatë, mungesa e kualifi kimit në Botëror dhe disa luhatje në ndeshjet vendimtare shënuan edhe fundin e këtij cikli, me palët që morën drejtime të ndryshme.

ROLANDO MARAN- Në anën tjetër, Rolando Maran vjen si një fi gurë krejtësisht e ndryshme në fi lozofi dhe qasje. I rritur në shkollën italiane të futbollit dhe me një karrierë të gjatë në Serie A dhe Serie B, ku ka drejtuar klube si Kievo, Kaljari, Xhenoa, Breshia dhe Katania, ai njihet si trajner i disiplinës dhe organizimit taktik më shumë sesa i spektaklit. Maran nuk identifi kohet me futbollin e hapur dhe ofensiv në kuptimin modern, por në Itali e cilësojnë si mjeshtër të taktikës dhe natyrisht si trajner italian, mbrojtja do të ketë prioritet. Formacioni i tij i preferuar, 4-3-1-2, është një skemë klasike italiane që kërkon siguri në mbrojtje dhe sakrifi cë në mesfushë, teksa sulmi shpesh herë lë për të dëshiruar dhe kjo shihet nga statistikat që skuadrat e tij kanë pasur në përgjithësi.

STATISTIKAT- Në karrierën e tij, Maran ka drejtuar mbi 742 ndeshje, me 245 fi tore, 215 barazime dhe 282 humbje, duke regjistruar një mesatare prej 1.28 pikësh për ndeshje. Këto shifra refl ektojnë një trajner me eksperiencë por me rezultate jo në favorin e tij ku bie në sy fakti se gjatë karrierës, ka përjetuar më shumë humbje se fi tore. Ndryshe nga trajnerët e tjerë italianë që fokusohen te mbrojtja dhe nuk pësojnë, skuadrat e Maranit në 742 ndeshje kanë shënuar 865 gola dhe kanë pësuar më shumë se sa kanë shënuar. Në total, 945 gola janë shënuar kundër skuadrave të drejtuar nga Maran, me një mesatare prej më shumë se 1 goli për ndeshje. Në Shqipëri, pritshmëritë ndaj tij janë të qarta dhe pritet stabilizim dhe konsolidim të shpejtë e ndoshta Liga e Kombeve do ta ndihmojë për të pasur mundësi që të synojë më pas kualifi kimin për në Europian.

© BalkanWeb