Shqipëria përballet me Luksemburgun në miqësoren e të shtunën. Përkrah trajnerit, në konferencë, u shfaq mbrojtësi i kombëtares, Elsi Hysaj.
“Ka shumë kohë që nuk ka skuadra të lehta. Të gjitha luajnë mirë në futboll, dhe kush nuk ka emra janë fuqizuar dhe duhet të kemi kujdes. Kemi punuar me video. Me ndihmën e trajnerit tonë do sistemojmë 2-3 gjëra që nuk funksionuan në ndeshjen e kaluar. Dhe shpresojmë të shënojmë.
Në fushë jemi të gjithë njësoj, 11 kundër 11. Nuk është e thënë se Italia fiton lehtë me Luksemburgun ose Shqipëria. Kanë lojtarë me kualitet dhe janë të përqëndruar, ne duhet të jemi 120% më shumë të përqëndruar se ata, për të fituar ndeshjen.
Ambienti është shumë mirë. Trajneri ka pak kohë që ka ardhur. Është trajner pozitiv që të jep energji të mirë, do të na mësojë lojë të re dhe më agresive. Është më e mirë nëse hy në fushë. Ambienti shumë mirë, çunat të gjithë gati. Ndeshja e kaluar shkoi keq, por mendoj se kemi bërë ndeshje të mirë. Nuk arritëm të shënojmë dhe futbolli kështu është. Duhet sigurisht të analizojmë dhe gabimet që kemi bërë. Po ta dimë që kemi bërë dhe gjëra pozitive. Stadiumi uroj të jetë plot, ne vijmë pak herë në kombëtare dhe ato herë dua ta shoh me tifozë. Të shoh ngjyrat kuqezi. Shpresoj këtë ndeshje të vijnë shumë tifozë sepse na ndihmojnë, si ne dhe kombit.
Nuk duhet kohë e gjatë sepse jemi profesionista. Jemi me eksperiencë, ka dhe të rinj. Duhet të ambientohemi me të rinj. Kombëtarja kështu është. Jemi të zgjuar dhe profesionistë, të kuptojmë çfarë kërkon trajneri. Trajneri po na kupton dhe neve, duhet të njohë karakteristikat e lojtarëve që ka.
Nga mënyra si luajtëm, ne kishim shumë raste. Gabimet para portës janë pjesë e lojës. Një sulmues mund të bëjë gol nga 50 metra, si dhe të gabojë 1 metër afër portës. Duhet të jemi pozitiv, me këtë trajner do kemi shumë raste për shënim, thjesht duhet që sulmuesit të lirohen nga presioni që kanë. Broja, Mehmeti, Daku dhe të tjerë kush do luajë, ta dinë se mbështetjen tonë e kanë afër.
Kohë nuk është se kemi shumë. Duhet ta ekuilibrojmë këtë ardhjen e trajnerit të ri dhe ikjen e tjetrit. Nga një modul kemi kaluar me tjetrin. Besoj te zgjedhja e trajnerit dhe forca e ekipit. Ëndërroj të kualifikohemi në Europian dhe të fitojmë Ligën e Kombeve.
Besoj është personale e çdo lojtarit. Unë për shembull nuk më ndryshon që një trajneri të flasë se në lojë je i përqëndruar. Nëse do të flasë, do flasë. Ne kemi topin në këmbë në fushë dhe duhet ta analizojmë ndeshjen nga brenda.
Shpresoj të luaj, këtë e di trajneri. Ëndërr për mua dhe krenari nëse arrij ndeshjen e 100-të. Që i vogël kam pas ëndërr të luaj me Kombëtaren, jo më që të luaj 100 ndeshje”, u shpreh Hysaj.
