Momente frike për Christian Eriksen, me fantazistin danez që “driblon” për herë të dytë vdekjen. Pesë vite pas atyre pamjeve dramatike kur u kolapsua gjatë ndeshjes me Finlandën, në “Euro2021”, Eriksen tremb sërish, bie në tokë pa ndjenja gjatë miqësores ndaj Ukrainës, por për fat të mirë, danezi u përmend shpejt, madje këtë herë u çua me këmbët e tij duke iu drejtuar në mënyrë të vetëdijshme autoambulancës, për t’u shtruar më pas në spital.
Në pritje të informacioneve për gjendjen e tij shëndetësore, miqësorja Danimarkë-Ukrainë u ndërprere. Federata daneze e futbollit me anë të një reagimi sqaroi se: “Christian Eriksen është i vetëdijshëm, është mirë”.
Morten Boesen, mjeku u përfaqësueses daneze shpjegoi më pas atë që ndodhi në fushë me Eriksen:
“Christian është mirë në këto momente. Ishte vetë ai që na kërkoi të shkonim në spital me ambulancë, kjo ishte një shenjë e mirë. Jemi në kontakt të vazhdueshëm me mjekët. Në këndvështrimin tim, pajisja që Eriksen ka e bërë punën si duhet”, u shpreh Boesen.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
