Giannis Antetokounmpo do të transferohet nga Milwaukee Bucks te Miami Heat. Lajmi ende nuk është zyrtar, por ylli grek, dy herë MVP i sezonit të rregullt në NBA, po kryen transferimin e bujshëm. 31-vjeçari, që fitoi edhe një titull me Bucks në vitin 2021, ka vendosur të nisë një aventurë të re në NBA.
Një transferim që ndryshon ndjeshëm ekuilibrat në Konferencën e Lindjes, ndërkohë që në këtë transferim do të përfshihen edhe basketbollistë të tjerë. Në këmbim, Miami Heat po shkëmbejnë Tyler Herro, Kel’el Ware, Jaime Jaquez Jr., Kasparas Jakucionis, tre zgjedhje të raundit të parë të draftit, duke përfshirë zgjedhjen nr. 13 të vitit 2026, një shkëmbim zgjedhjesh në të ardhmen dhe një zgjedhje të raundit të dytë.
Gjithashtu në Miami vjen Bobby Portis, ish-lojtari i gjashtë i vitit. Shkëmbimi do të bëhet zyrtar më 6 korrik dhe mund të shtrihet në ekipe të tjera ndërkohë. Thelbi do të mbetet i njëjtë: dy herë MVP është ylli i ri i Heat, të cilët kanë mposhtur konkurrencën nga Boston Celtics
