Paraguai ka shpallur sot festë kombëtare, pas fitores historike të kombëtares ndaj Gjermanisë në Kupën e Botës. Njoftimin e bëri presidenti Santiago Peña, vetëm pak minuta pas përfundimit të ndeshjes, përmes një postimi në rrjetet sociale.
Me një ton festiv, kreu i shtetit shkroi: “Paraguai nuk dorëzohet kurrë! Festë, të mallkuar qoftë!”, duke konfirmuar menjëherë vendimin për shpalljen e ditës së pushimit.
Më pas, Presidenca e Republikës publikoi një deklaratë zyrtare, ku bëri të ditur se festa kombëtare u dekretua në shenjë vlerësimi për arritjen historike të kombëtares paraguaiane.
Vendimi synon t’u japë mundësi qytetarëve në të gjithë vendin të festojnë kualifikimin e ekipit në raundin e 16-tave të Kupës së Botës, një sukses që është pritur me entuziazëm të madh nga tifozët.
