Janë mbyllur në Londër takimet e raundit të dytë të grand slam-it të Wimbledon në tenis. Numri 3 në botë për meshkuj, gjermani Alexander Zverev, fitoi 3-0 ndaj Valentin Royer.Gjermani nuk e vendosi për asnjë moment në diskutim triumfin ndaj francezit, duke fituar 1-6; 3-6 dhe 6:7. Në raundin e tretë kualifikohet edhe italiani Matteo Berrettini, që mundi 3-1 Arthur Fils, duke surprizuar deri diku fansat, pasi ishte tenisti francez që shikohej si favorit. Një biletë për më tej sigurojnë edhe Grigor Dimitrov, Taylor Fritz, Karen Khachanov e Flavio Cobolli.
Te femrat, tenistja polake Iga Swiatek mundi 2-0 Karolina Pliskova. Numri 3 i botës mundi çeken në dy set e 1:6 dje 3:6, duke konfirmuar edhe njëherë tjetër se mbetet një nga favoritet e mëdha për të fituar trofeun e fushave me bar të gjelbër. Po 2-0 fiton edhe tenistja amerikane Madison Keys, ndërkohë që kualifikohen edhe Emma Navarro, Marta Kostyuk e Amanda Anisimova.
