Me publikimin e kalendarit të Superiores për sezonin 2026/2027 janë konfi rmuar edhe stadiumet ku skuadrat do të zhvillojnë ndeshjet si pritëse. Ndryshe nga nëntë klubet e tjera të elitës, Dinamo është e vetmja skuadër që nuk do të ketë një impiant të sajin në dispozicion gjatë kampionatit. “Panorama Sport” ka mësuar se klubi kryeqytetas ka vendosur që ndeshjet si pritës t’i zhvillojë në “Elbasan Arena”, duke u larguar nga “Air Albania”, stadium ku luajti gjatë sezonit të kaluar.
Kështu, blutë do të jenë të vetmit në elitën shqiptare që nuk do të kenë një impiant të lidhur drejtpërdrejt me klubin apo qytetin që përfaqësojnë. Në krahun tjetër, Tirana dhe Partizani do të vazhdojnë të përdorin “Selman Stërmasin”, “Air Albania” dhe “Arena e Demave” për ndeshjet si skuadra pritëse, ndërsa Egnatia do të luajë në “Arena Egnatia”. Vllaznia do të luajë në “Loro Boriçi”, Teuta në “Niko Dovana”, Skënderbeu në stadiumin “Skënderbeu”, Elbasani në “Elbasan Arena”, Laçi në stadiumin “Laçi” dhe Vora në stadiumin e saj.
NDRIÇIMI- Një tjetër detaj i rëndësishëm lidhet me ndriçimin e impianteve. Nga dhjetë stadiumet që do të përdoren gjatë sezonit të ri, vetëm stadiumet e Laçit dhe Vorës nuk disponojnë prozhektorë. Të gjitha impiantet e tjera janë të pajisura me sistem ndriçimi, duke i dhënë mundësi Federatës Shqiptare të Futbollit që një pjesë e mirë e ndeshjeve të kampionatit të programohen në oraret e mbrëmjes.
Kjo pritet të sjellë më shumë fl eksibilitet në hartimin e kalendarit televiziv, por edhe kushte më të favorshme për zhvillimin e sfi dave gjatë muajve të ngrohtë të sezonit. Përjashtim do të bëjnë vetëm ndeshjet e zhvilluara në Laç dhe Vorë, të cilat, në kushtet aktuale, do të duhet të luhen gjatë orëve të ditës, për shkak të mungesës së ndriçimit artificial.
