Pak ditë përpara startit të sezonit në Serie A, emri i Ardian Ismajlit është rikthyer edhe një herë në skenë, me “Sky Sport” që zbulon se Udinese është vënë në ndjekje të mbrojtësit shqiptar. Klubi italian kërkon një qendërmbrojtës të ri në këtë merkato vere, dhe Ismajli është profili ideal, një lojtar me shumë eksperiencë në Serie A, sigurisht edhe me pak kosto.
Gjithnjë sipas “Sky Sport”, Udinese pritet të trokas në derën e Torinos për të kuptuar nëse janë të gatshëm të futen në negociata për futbollistin kuqezi.
