Skuadra e Luftëtarit sot ka vijuar përgatitjet për pjesën e mbetur të sezonit me një surprizë në radhët e saj. Ndryshe nga sa mendohej, në stërvitje ka qenë i pranishëm edhe mbrojtësi Bruno Toledo.
Uruguajani ishte cilësuar nga vetë klubi gjirokastrit si një futbollist i larguar nga skuadra e drejtuar nga Lika, pasi nuk po gjente hapësira. Por me sa duket futbollisti 23-vjeçar ka ndryshuar mendje dhe ka vendosur që të qëndrojë pjesë e ekipit të Luftëtarit, për të provuar shansin e tij në radhët e kësaj skuadre.
Toledo ka luajtur 8 ndeshje në pjesën e parë të sezonit me ekipin e Luftëtarit, 7 si titullar e 1 si zëvendësues. Por ai nuk ishte preferuar shumë nga Lika i cili e kishte aktivizuar vetëm në një ndeshje që nga momenti kur mori drejtimin e skuadrës, në barazimin 1-1 ndaj Flamurtarit.
