Një studim i ri ka zbuluar se të paktën një në katër lojtarë të NFL-së që kanë ndërruar jetë gjatë periudhës 2016–2021 vuante nga encefalopatia traumatike kronike (CTE), një sëmundje degjenerative e trurit që mund të diagnostikohet vetëm pas vdekjes.
Nga 878 ish-lojtarë të vdekur gjatë kësaj periudhe, 235 kishin dhuruar trurin për kërkime shkencore dhe 215 prej tyre rezultuan me CTE. Sipas studiuesve, lojtarët e NFL-së kanë një shkallë vdekshmërie nga sëmundjet neurodegjenerative rreth katër herë më të lartë se popullata e përgjithshme.
Për këtë arsye, familjet e ish-sportistëve po tregohen gjithnjë e më të gatshme për të dhuruar trurin e tyre për studime. Ndërkohë, NFL dhe sporte të tjera kanë forcuar rregullat për mbrojtjen e lojtarëve pas tronditjeve cerebrale, duke kërkuar vlerësim mjekësor dhe periudha më të gjata rikuperimi përpara rikthimit në fushë.
