Mikel Arteta largohet nga “Maradona” me 3 pikë dhe i kënaqur për atë që ekipi i tij dha në fushën e lojës. Për trajnerin e Arsenal ishte e rëndësishme që t’i bënin një nisje pozitive këtij edicioni të Champions League:
“Është një Arsenal fantastik, më pëlqeu shumë ajo që pashë, mbi të gjitha dëshira që treguam për të fituar, mënyra se si luajtëm. Rezultati nuk reflekton atë që dhamë në fushë. Kjo ishte vetëm ndeshja e parë, zhvilluam një provë të mirë dhe e merituam të fitonim. Napoli është një skuadër shumë kompakte dhe e kompletuar, për këtë arsye kjo fitore merr edhe më shumë vlera”, u shpreh Arteta.
Nuk u shfaq i shqetësuar për këtë humbje Allegri, me trajnerin e Napolit që e sheh gotën gjysmë plot:
“I thash djemve që zhvilluan një ndeshje të mirë kundër një skuadre të madhe. Mbrojtëm mirë, nëse do kishim luajtur kështu në Milano apo Como nuk do të kishim humbur. E dinim që do të ishte një ndeshje e komplikuar, vinim pas 3 humbjeve, por kjo nuk duhet të na demoralizojë, shpirti që shfaqëm ndaj Arsenal do të na shtyjë përpara”, theksoi Allegri pas disfatës 0-1 përballë Arsenal.
