Barcelona po zhvillon një super sezon, kjo edhe falë Rodrit, me mesfushorin spanjoll që ka sjell stabilitet dhe klas në mesfushën blaugrana. Rodri ishte një nga emrat më të nxehtë në merkaton e verës, kjo pasi për të shfaqi një interesim konkret edhe Real Madrid, por në fund, spanjolli zgjodhi Barçën. Në një intervistë për Mundo Deportivo, Rodi u ndal fillimisht tek ky detaj jo pak i rëndësishëm:
“Doja thjesht të kaloja dy javë të qeta pas Botërorin, por nuk ishin aspak të tilla. Me duhej të merrja një vendim shumë të rëndësishëm, duhej të zgjidhja mes dy klubeve më të rëndësishme në botë. Në fund, zgjedhja ime ishte e një natyre futbollistike, zgjodha një klub që në këndvështrimin tim do të më ndihmonte të rritesha si lojtar. Më duhet të theksoj se nuk ishte aspak e lehtë t’i thoja Jo Real Madrid, kjo pasi ata u sollën në mënyrë fantastike me mua. Përpara se t’i refuzoja, telefonova Mourinho-n dhe e falënderova për interesimin e shfaqur”, u shpreh Rodri.
Lojtari më i miri i Botërorin “FIFA2026” u ndal më pas te Barcelona, tek detajet që sollën transferimin e tij tek ekipi i Hansi Flick: “Më tërhoqi shumë dëshira e trajnerit Hansi Flick për të përmirësuar çdo ditë e më shumë. Ai nuk kënaqet kurrë, nuk vendos kurrë një limit. Cilat janë objektivat te Barça? Mendoj se Champions është një objektiv i mundshëm, por nuk besoj se jemi ne favoritët për të fituar. Duhet të kuptojmë se nga vijmë, çfarë na duhet për të qenë kampion. Besoj se duhet të përmirësohemi ende në disa aspekte”, theksoi Rodri ndër të tjera në intervistën e tij për Mundo Deportivo.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
