2 fitore në pak ditë, mes Evropës dhe Serie A, “ngjallin” Juventus. “Zonja e Vjetër” kalon pa shumë probleme Atalanta-n e Sarrit, ku në “Stadium” mjaftuan nga një gol për pjesë për të dalë me pikë të plota pas suksesit 2-0. Ekipi i Spallettit kishte gjithçka në kontroll, ku në minutën e 24-të, Conceiçao u shërbye pastër në zonë nga Celik, me portugezin që e kishte të lehtë të shtynte topin në rrjetë.
Në fraksionin e dytë, Spalletti ndërhyri në formacion, ku në minutën e 72-të aktivizoi edhe Edon Zhegrovën. Pesë minuta më vonë, sulmuesi “dardan” futi një top të bukur në zonë, aty ku Bremer me kokë u tregua i saktë duke dyfishuar shifrat.
Rezultati nuk ndryshoi deri në fund, me Spallettin që i kënaqur këtij 3-pikëshi përpara pauzës që sjellin ekipet përfaqësuese: “Këto fitore lindin nga gadishmëria e lojtarëve për të dhënë maksimumin edhe pse nuk janë stërvitur nga e enjtja deri më tani. I kërkuam të bënin diçka ndryshe. Kur lojtarët e bëjë këtë për trajnerin, atëherë kjo nuk ka çmim. Kjo fitore erdhi në një moment të vështirë, pas humbjes kundër Sassuolo-s e cila na vendosi në vështirësi dhe krijoi disa dyshime”, u shpreh Spalletti.
Befasinë e madhe në javën e 5-të të Serisë A e dhuroi Como, me ekipin e Fabregas që pësoi një humbje të papritur 2-0 në transfertë përballë Frosinones. Vendasit u imponuan me lojë dhe rezultat duke gjetur dy herë rrugën e rrjetës brenda pjesës së parë. Pas javës së 5-të, Como e sheh veten në vendin e 8-të me 10 pikë, po aq sa Juventus dhe plus 3 në raport me Napolin.
Vijon ecurinë negative në këtë fillim sezoni Napoli. Ekipi i Allegrit nuk shkoi më shumë se një barazim 1-1 në transfertë përballë Fiorentinës. 7 pikë në 5 javë, janë shifra që po vendosin në vështirësi trajnerin Allegri.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
