Xavi Hernandez nis zyrtarisht aventurën e tij në krye të përfaqësueses holandeze. Tekniku spanjoll do të bëjë debutimin e tij në stolin e “tulipanëve” të enjten, ku në “Johan Cruyff Arena”, në Amsterdam, përballet me Gjermaninë, një klasike e futbollit evropian që ka një shije të veçantë pasi edhe për Jurgen Klopp përkon me ndeshjen e tij të parë në stolin e ekipit përfaqësues. Në konferencë për shtyp, Xavi u shfaq me ide të qarta mbi mënyrën e lojës dhe objektivave: “Dua të ndërtoj një skuadër që të luajë me pasion, të ketë ambicie dhe të jetë protagoniste në fushë. Do të përpiqemi të luajmë në gjysmëfushën e kundërshtarëve, të kemi kontrollin e lojës”, u shpreh Xavi.
Ish trajneri i Barçës nuk kërkon alibi, edhe pse koha në dispozicion ka qenë shumë e shkurtër për të përcjell idetë e tij: “Kemi shumë gjëra për të bërë, është e vërtetë që nuk kemi shumë kohë, por nuk ka justifikime”, theksoi Xavi.
Përpara startit të Ligës së Kombeve, Xavi konfirmoi lidershipin e Virgil van Dijk, me qendërmbrojtësin që do të mbajë sërish shiritin e kapitenit në krah: “Ai është gati të jetë lideri ynë. Është mirë fizikisht, nuk ka asnjë arsye pse të mos vijojë të jetë ai kapiteni. Sfida me Gjermaninë? Pres realisht një ndeshje shumë të vështirë”, u shpreh Xavi.
