Pauza për ndeshjet e Kombëtares do u japë mundësinë futbollistëve të klubit rrogozhinas që të shijojnë disa ditë pushime, pas një sezoni të nisur herët dhe me shumë impenjime për shkak të pjesëmarrjes në Europë. Në klub pritej ndonjë ftesë tjetër nga përfaqësueset në fakt, përveç asaj të Dajsinanit, por ajo nuk ka ardhur.
I zhgënjyeri i madh këtë herë ishte Zamig Alijev, mbrojtësi azer i Egnatias, i cili shpresonte që falë paraqitjeve që kishte bërë me rrogozhinasit së fundmi, të përfshihej përsëri në listat e ekipit të tij përfaqësueses.
Por edhe pse trajneri Ajkan Abasov zgjodhi të grumbullonte 30 lojtarë për Ligën e Kombeve, ai nuk përshiu mes alternativave futbollistin e Egnatias. Ndërkohë, në listë nuk mungon një tjetër ish i Superiores si Vusal Isgandarli. Duket se paraqitjet me Malishevën kanë mjaftuar që sulmuesi i cili ka një të kaluar pikërisht me Egnatian dhe Partizanin, kanë mjaftuar për të bindur Abasov që t’i besojë një vend në përfaqësuese.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
