Adri Mehmeti po shkëlqen në futbollin amerikan dhe në moshën 17-vjeçare ka marrë vlerësime të mëdha nga “Mundo Deportivo”.
Mesfushori me origjinë shqiptare, që ka luajtur më parë për Shqipërinë U15, ka debutuar me SHBA-në dhe së fundmi ishte titullar në fitoren 4-2 ndaj Kilit. Mediumi spanjoll e krahason me Sergio Busquets për qetësinë dhe mënyrën e leximit të lojës.
“I mbushur me energjinë e pijes që i jep emrin klubit të tij, Mehmeti jo vetëm që nuk ka trokitur, por ka hyrë me vrull brenda”, ka shkruar “Mundo Deportivo”. Adri Mehmeti aktivizohet në radhët e New York Red Bulls.
