Kryeinspektori i Përgjithshëm, Dashnor Sula, ka qenë i ftuar këtë të premte në Top Neës, ku ka folur për punësimet nepotike.
Ai ka sjellë rastin e një drejtuesi të lartë të Partisë Socialiste, që i ka ndërhyrë për djalin e vet, për ta bërë drejtor.
Për këtë rast, Sula ka kontaktuar me vetë kryeministrin Edi Rama.
Sula nxorri në studio mesazhin audio që i dërgoi Rama, pasi ky i fundit e vuri në dijeni për rastin në fjalë.
“Jo po djali i këtij, jo po djali i atij.
Ça janë këto muhabete.
Mos i dëgjo fare”, dëgjohet në mesazhin e Ramës, drejtuar Sulës.
Ky i fundit tha se kryeministri është treguar gjithmonë parimor, kundër punësimeve nepotike.
