Ministria e Shëndetësisë ka përditësuar informacionin e të lënduarve gjatë protestës së sotme deri në orën 19:45.
Sipas të dhënave paraprake, në Spitalin Universitar të Traumës janë paraqitur 9 persona, mes tyre 7 protestues dhe 2 përfaqësues të medias.
Ndërkohë, në QSUT janë trajtuar një protestues dhe një efektiv policie, ndërsa në Poliklinikën e Specialiteteve Nr. 2 kanë marrë ndihmë mjekësore edhe dy efektivë policie të lënduar në sy.
Njoftimi i plote:
Ministria e Shëndetësisë dhe Mirëqenies Sociale, sipas informacioneve paraprake nga strukturat spitalore dhe poliklinikat informon se gjatë protestës së sotme:
*Në Spitalin Universitar të Traumës janë paraqitur 9 të lënduar:
– 7 protestues. Njëri prej të cilëve i lënduar në sy, po i nënshtrohet ekzaminimeve. Jashtë rrezikut për jetën.
– 2 përfaqësues të medias.
Aktualisht, 5 të lënduar kanë lënë spitalin, pasi kanë marrë trajtimin e nevojshëm. Ndërsa 4 protestues po vijojnë ekzaminimet dhe trajtimin.
Në Qendrën Spitalore Universitare “Nënë Tereza”, janë paraqitur:
– Një protestues
– Një efektiv policie
Të dy kanë lënë spitalin pasi kanë marrë trajtimin.
Poliklinika e Specialiteteve Nr.2, Tiranë janë paraqitur:
– 2 efektivë policie, të lënduar në sy, të cilët kanë marrë trajtim e nevojshëm.
Të lënduarit kanë lënë ambientet e poliklinikës, pasi kanë marrë trajtimin e nevojshëm.
