Cristiano Ronaldo nuk ndalet. Ylli portugez ka qenë protagonist absolut në fitoren 5-3 të Al Nassr ndaj Al Kholood në kampionatin saudit, duke realizuar tre gola dhe duke dëshmuar edhe një herë se mbetet një “ujk” i vjetër.
Me këtë paraqitje të shkëlqyer, 40-vjeçari ka arritur në kuotën e 985 golave të shënuar gjatë karrierës së tij profesionale. Një shifër mbresëlënëse, që e afron gjithnjë e më shumë me një prej objektivave më të mëdhenj personalë: arritjen e 1000 golave zyrtarë në karrierë. Pas tregolëshit ndaj Al Kholood, Ronaldos i nevojiten vetëm 15 gola për të prekur këtë shifër historike.
