Balerina e njohur e Teatrit Kombëtar të Operas dhe Baletit Isida Mollaymerit ka zbuluar hobin e saj. Ajo ka nisur të koleksionojë këpucë që në kohën e gjimnazit dhe sot tregon se numri i tyre ka shkuar në plot 317 palë.
E ftuar në “Pasdite në Top Channel”, Isida rrëfen se në koleksionin e saj ka këpucë të ndryshme me taka, të sheshta apo edhe atlete.
“Jam e fiksuar pas këpucëve. Për herë të parë “fiksimi” im ka nisur në gjimnaz. Sa herë shkoja në dyqane gjëja e parë që blija ishin këpucët. Jam kritikuar nga shoqet për këtë hobi që kam, por sërish kam vijuar.
Në koleksionin tim nuk ka vetëm këpucë me taka, por edhe atlete. Nuk është se jam e fiksuar pas këpucëve firmë, mjafton të jenë të rehatshme,” tregon balerina e talentuar.
