Një shtetas i huaj, i shpallur në kërkim ndërkombëtar nga autoritetet zvicerane për trafikim të lëndëve narkotike dhe pastrim parash, është arrestuar në Pikën e Kalimit Kufitar të Kakavijës, teksa po hynte në territorin shqiptar.
Arrestimi u realizua në kuadër të një operacioni të përbashkët mes autoriteteve kufitare shqiptare dhe atyre greke.
Gjatë kontrollit të dokumenteve të udhëtimit, punonjësit e policisë konstatuan se ndaj shtetasit ishte lëshuar një urdhër-arresti europian nga autoritetet zvicerane, për veprat penale “Trafikim i paligjshëm i lëndëve narkotike dhe substancave psikotrope” dhe “Pastrim i parave që rrjedhin nga veprimtari kriminale”.
Sipas legjislacionit zviceran, veprat penale për të cilat ai kërkohet parashikojnë një dënim maksimal deri në 20 vite burg.
Pas arrestimit, shtetasi i huaj u shoqërua në Sektorin për Hetimin e Krimeve në Drejtorinë Vendore të Policisë në Janinë, në Greqi.
Çështja pritet t’i referohet Prokurorisë së Apelit të Janinës, e cila do të kryejë veprimet e mëtejshme procedurale në funksion të ekstradimit të tij drejt Zvicrës.
