Presidenti amerikan Donald Trump iu rikthye çështjes së lotarisë amerikane, gjatë një fjalimi të mbajtur këtë të premte, duke përsëritur qëndrimin e tij për anulimin e programit.
“Nuk dua më që në këtë vend të vijnë njerëz me lotari. Dua që të vijnë mbi bazë të meritave, njerëz me aftësi dhe që mund ta mbështesin veten financiarisht. Njerëz që mund të kontribuojnë për ekonominë tonë, që e duan Amerikën dhe ndajnë të njëjtat vlera me ne”, tha presidenti amerikan. Deklaratat për këtë cështje Trump i bëri gjatë një fjalimi ku njoftoi sanksionet e reja kundër Koresë së Veriut.
