Dy qarqet më të prekura nga problematika e pronave janë Vlora dhe Gjirokastra, të cilat mbajnë rekordin e padive në prokurori dhe gjykata për zgjidhje ligjore. Në Qarkun e Vlorës rezultojnë 403 kallëzime në prokurori, ndërsa në Gjirokastër 338 padi. Vlora dhe Gjirokastra ndiqen nga Berati me 52 kallëzime, Kruja 43 dhe Durrësi 37. Grabitja dhe tjetërsimi i tokave është objekti i padive të adresuara në gjykata, çka tregon se një prona mbetet një nga plagët më të mëdha të shoqërisë shqiptare. Gjithsesi, problematike mbetet situata në zonat bregdetare ku edhe është kryer abuzimi më i madh me pronat.
Pak ditë më parë, u arrestuan 24 zyrtarë të bashkisë së Lezhës, përfshirë edhe kryebashkiakun Fran Frrokaj dhe të Hipotekave, me akuzën e tjetërsimit të pronës ranishte në tokë arë në interes të disa përfituesve. Por e njëjta situatë paraqitet edhe në zonat bregdetare të Vlorës si Dhërmi dhe Himarë, Gjiri i Lalzit në Durrës dhe Spille të Kavajës.
