Lushnja prej kohësh ka prerë biletën e para për të rënë nga Superliga në Kategorinë e Parë, pasi skuadra ka grumbulluar vetëm 10 pikë në 27 javë kampionat. Humbjen e fundit ekipi i Lushnjës e mori dje në transfertë, ekzaktësisht në Gjirokastër 2-0 kundër Luftëtarit. Edhe pse nuk kishin asnjë shpresë, një numër i vogël tifozësh e mbështetën ekipin. Ata nuk e humbën këtë mundësi për të kritikuar futbollistët. Në një banmderolë të shfaqur në stadium lexohej: “Për ne fanella, për ju leku”. Duhet kujtuar se Lushnja këtë sezon ka kaluar disa peripeci, siç janë mungesa e elementëve bazë për t’u stërvitur, më thelbësorja fusha. Për të mos u harruar stadiumi ‘Roza Haxhiu’, si shaka i rikonstruksionit skuadra luajti disa ndeshje jashtë qytetit.
