Si është ndërtuar Luftëtari i mrekullive? Askush nuk mund ta shpjegonte më mirë sesa Vangjel Ccavo, drejtori teknik i skuadrës gjirokastrite. I ftuar në “Fair Play”, ai ka treguar se si gjirokastritët u kthyen në këtë sezon nga një ekip mbijetesë, në një skaudër që luan si e barabartë me këdo, edhe me Skënderbeun e Kukësin.
“Është e vështirë për të zënë vendin e dytë por ndeshje pas ndeshjeje, mundohemi. Kemi edhe 5 ndeshje, por i marrim një nga një dhe pretendojmë. Përderisa Skënderbeu dhe Kukësi janë në vend të parë dhe të dytë, janë nga ekipet me të mira, edhe kemi humbur, edhe fituar me të dyja. Jemi larg se kemi humbur pikë me vendin e 6 dhe të 7 .
Që nga fillimi i kampionatit kishim vështirësi, nga vonesa e grumbullimit që bëmë, ajo e trajnerit, një trajner që nuk e njihte realitetin shqiptar, me lojtarët nga Uruguai, që nuk i lidhem dot me kampionatin shqiptare, edhe nga cilësia që nuk i njihnim. Ishim të detyruar që deri në merkaton e dimrit të shkonim me pak lojtarë dhe rezultatet ishin të dobëta, luanim pa qendërsulmues.
Në dimër kemi afruar 11 lojtarë, që ka ndikuar se në fazën e parë nuk kishim stol. Kthente kokën prapa trajneri dhe nuk kishte kë të fuste, kishim lojtarë nga të vegjlit. Morëm shumë lojtarë dhe tani trajneri ka stol të mirë.
Lojtarët kanë tre vite që luajnë bashkë, një cilësi që kanë këta është se janë si një familje. Që nga presidenti, stafi, lojtarët. Atë që kanë e japin në fushën e lojës dhe besoj kjo na ka bërë që të marrim rezultatet. Flamurtari ishte 16 pikë mbi ne, ishim në zonën e kuqe. Objektivi ynë ishte mbijetesa. Tani jemi për Europë, por i marrim gjërat me radhë. Tani shkojmë dhe duartrokitemi dhe pëlqehemi kudo.
Rroca kërkohet në Greqi. Por, ne kishim oferta edhe për Aleksin, Xhekson dhe Shkurtajn që kur ishim në fazë përgatitore në Greqi në janar“, shpjegoi Çavo.
