Luftëtari do të presë në Gjirokastër Partizanin në kuadër të javës së 33-të të Kategorisë Superiore. Objektivat në këtë takim janë të njëjta pasi të dy skuadrat synojnë Europën, por ecuritë e ekipeve janë shumë të ndryshme, me Luftëtarin që po bën një paraqitje fantastike, ndërkohë që Partizani ka humbur terren.
Në konferencën para ndeshjes, tekniku i bluzinjve, Hasan Lika është shprehur se pavarësisht vështirësisë ndaj Partizanit, skuadra e tij do të synojë fitore, pasi e kanë përgatitur ndeshjen mjaft mirë megjithëse do të ketë dy mungesa të rëndësishme.
“Ndeshja? Natyrisht që na duhet rezultat, por lufta për Europën nuk mbaron me kaq. Partizani është një ekip që lufton për Europën dhe pavarësisht ecurisë së fundit i ka forcat. Ka ekip, ka elementë, por nuk e mendojmë të kaluarën. Jemi përgatitur ta kalojmë me sukses.
Mungesat? Aleksi dhe Liçaj janë dy titullarë dhe dy mungesa të rëndësishme, por besoj edhe tek lojtarët e tjerë, që kanë dhënë kontribut për skuadrën”, u shpreh Lika.
