Jo vetëm rezultate pozitive të arritura nga ana e bluzinjve, por edhe një futboll tërheqës për tifozët. E ardhur kjo në një kampionat si Superiorja, Luftëtari tregon se është një ndër ekipet e pakta për t’u veçuar në futbollin shqiptar. Futbollisti brazilian që realizoi në barazimin ndaj Kukësit gjatë javës së shkuar, Xhekson, në një intervistë për “RTSH Sport” i premton tifozëve Europën, ndërsa shprehet se ndihet i lumtur që jeton në Gjirokastër.
“Kur erdha ekipi nuk po kalonte një gjendje të mirë, por me afrimin e lojtarëve të tjerë skuadra filloi të merrte rezultate të mira. Tashmë jemi afër Europës dhe për të do të luftojmë. Shanset janë mëdha për të arritur këtë objektiv. Të gjithë lojtarët po bëjnë një punë të mirë dhe skuadra është në rrugën e duhur. Të ardhmen time nuk e di ende, por në Gjirokastër ndihem mirë. Jam i lumtur që jetoj në një qytet me njerëz dashamirës”, është shprehur Xhekson.
