Kampionatit Botëror do t’i mungojë Lionel Messi pasi Argjentina u shkatërrua me rezultatin 4-3 përballë Francës. Pa dyshim shijuam një finale të parakohshme ku rezultati u përmbys disa herë ndërsa deri në sekondat e fundit të lojës francezët qëndruan në ankth. Në minutën e 13’ ishte Griezmann ai i cili hapi serinë e golave pasi shënoi nga pika e bardhë e penalltisë.
Më pas në minutën e 41’ ishte Di Maria barazoi 1-1 duke nxjerrë nga repertori i tij një perlë të vërtetë. Pjesa e parë përfundoi në barazim 1-1, ndërsa fraksioni i dytë i lojës solli më shumë gola. Fillimisht në të 57’ ishte Pavard që shënoi supergol ndërsa pas 7 minutash Mbappe shënoi dy gola të shpejtë. Argjentina u zgjua shumë vonë duke ngushtuar diferencën në minutën e 93’ me anë të Agueros i cili erdhi nga stoli.
Minutat e fundit mbizotëroi tensioni ku francezët tentuan të përfitonin nga vonesat e lojës. Aksioni i fundit për argjentinasit nuk prodhoi asgjë dhe në këtë mënyrë Lionel Messi i thotë lamtumirë Botërorit të fundit. Vetëm një gol të shënuar në Botërorin që pritej të ishte për Messin që nuk la shenjë duke u eliminuar shumë shpejt.
