Komisioni i Pavarur i Kualifikimit ka vendosur ditën e sotme shkarkimin e gjyqtarit të Gjykatës së Tiranës, Artan Lazaj. Sipas KPK-së, gjyqtari Lazaj nuk e justifikon pasurinë e tij. Në momentin e vendimit gjyqtarit Artan Lazaj ishte i pranishëm në sallë. Trupa gjykuese që ka vlerësuar se gjyqtari i Gjykatës së Tiranës Artan Lazaj nuk duhet të rikonfirmohet në detyre, kryesohej nga Brunilda Bekteshi ndërsa anëtarë janë Lulzim Hamitaj dhe Olsi Komici.
‘Ne do ta apelojme vendimin. E vetmja pasuri e gjyqtarit Artan Lazaj nis nga një shtëpi dhe mbaron po aty. Nëse një banesë për KPK është shumë, atëherë jemi në devijanca’, tha avokati i gjyqtarit Artan Lazaj, Sokol Hazizaj. Artan Lazaj ka ushtruar detyrën e gjyqtarit si dhe të kryetarit të Gjykatës së Gjirokastrës në vitet 2003-2009
