Disa orë pas ngjarjes, policia e Gjirokastrës ka dhënë një informacion zyrtar sa i përket ngjarjes së rëndë në fshatin Mashkullorë, ku u gjet i vdekur një 35-vjecar. Policia thotë se shtetasi Florjan Resuli, banues në Mashkullorë, është gjetur i vetëvaur në një pemë në oborrin e Kishës së fshatit rreth orës 05:00 të mëngjesit të sotë. Nga këqyrja paraprake e trupit nuk janë konstatuar shenja dhune të shkaktuara nga ndonjë faktor tjetër.
Në vendngjarje kanë shkuar shërbimet e policisë dhe grupi hetimor i cili po punon për zbardhjen e plotë të rrethanave të ngjarjes. Burime të ArgjiroLajm.net thonë se 35-vjecari po kalonte një situatatë të rënduar psikologjike për shkak të vështirësive ekonomike. Mësohet se babai i dy fëmijëve kishte rreth 3 muaj që ishte zhvendosur në Tiranë me familjen.
Një ditë përpara ngjarjes ai ishte kthyer në fshatin e tij. Një shoku i vet, i cili ishte ulur për kafe me 35-vjecarin ditën e djeshme, thotë për ArgjiroLajm.net se ai nuk i kishte lënë të kuptohej se po përjetonte ndonjë situatë të rënduar psikologjike. Sipas tij gjithcka dukej normale. Grupi hetimor ka nisur të marrë në pyetje familjarët dhe të afërmit e viktimës, si dhe personat që patën komunikim ditët e fundit, për të zbardhur motivet që mund ta kenë shtyrë atë drejt vetëvrasjes. Po kështu po bëhet edhe verifikimi i komunikimeve të tij përmes aparatit celular.
© ArgjiroLajm.net
