Një aksident me pasojën vdekjen e një 75-vjeçari ka ndodhur mbrëmjen e sotme në aksin Levan-Tepelenë. Ngjarja ndodhi rreth orës 21:10, në fshatin Varibob.
ArgjiroLajm.net mëson se një automjet ka përplasur një kalimtar, dhe më pas është larguar nga vendi i ngjarjes.
Burime zyrtare nga policia thanë se përplasja ka rezultuar fatale për shtetasin Agur Dalipaj, i cili ka ndërruar jetë në vendin e ngjarjes. Ndërkohë policia ka nisur hetimet për zbardhjen dhe identifikimin e autorit të ngjarjes.
