Një tjetër sasi e madhe kanabisi është kapur nga policia e Gjirokastrës në Memaliaj. Plot 1.5 ton e fshehur brenda dy furgonave të bardhë të markës ‘Mercedes Benz’ me targa të falsifikuara. ArgjiroLajm.net sjell video nga furgonat ku ishte fshehur droga. Veç drogës policia zbuloi edhe 16 armë zjarri (1 snajper, 12 kallashnikovë, 2 pushkë dhe 1 armë gjahu). Si rezultat i presionit të kontrollit të ushtruar javët e fundit në atë territor nga shërbimet e Policisë për evidentimin e personave që mund të mbajnë armë e lëndë narkotike me qëllim trafikimin e saj, personat që dispononin lëndën narkotike dhe armët e zjarrit i kanë fshehur në pyll me qëllim shmangies së kontrollit. Operacioni ndiqet me metoda speciale dhe për këtë arsye nuk mund të jepen të dhëna të tjera nga policia e Gjirokastrës.
© ArgjiroLajm.net