Zhytja me kokë në det, për pak sa nuk i ka kushtuar jetën një turisti polak, i cili po pushonte në bregdetin shqiptar. Ngjarja ka ndodhur në Plazhin Rinia në qytetin e Sarandës ditën e sotme.
Turisti i identifikuar si Kamil Thiotheli, rreth 45vjec, nga Polonia, u hodh me kokë nga trampolina, por hedhja ka qenë fatale, pasi ai përplasi kokën tek gurët në det. Si pasojë e përplasjes, pësoi çarje të madhe në kokë, dhe humbi ndjenjat.
Menjëherë ka ndërhyrë roja bregdetare, dhe e nxori në breg, dhe më pas njoftoi ambulancën. Tashmë, shtetasi polak ndodhet në spitalin e Sarandës, nën kujdesin e mjekëve.
