Trajneri i Luftëtarit, Milosh Koshtiç, ka deklaruar se nuk e priste një humbje të tillë dhe se skuadra e tij nuk e meritonte këtë disfatë. Në fjalët për “SuperSport”, ai deklaroi se ekipi i tij kishte luajtur më mirë se krutanët, të cilët i akuzoi për ‘parkim autobusi”.
Për humbjen e sotme
“Rezultati nuk është çfarë ndodhi në fushë, e sheh që nga dy gjuajtje pësuam një gol. Sigurisht është e vështirë pas humbjes të tregosh diçka, por nuk e meritonim këtë humbje”.
Për lojën e Kastriotit
“Nuk e prisnim fitoren se parkuan autobusin dhe në këtë rast duhet të shkosh me shumë lojtarë në sulm të thyesh murin. Disa gabime individuale sollën këtë rezultat”.
Për lojën e dobët të Luftëtarit në këtë ndeshje
“Kastrioti kishte 10-15 minuta në pjesën e dytë ku nuk luajtëm ne mirë, por këto minuta janë normale, nuk mund të sulmosh e kontrollosh topin gjithë kohën. Kjo është ndeshja e parë, lojtarët janë munduar të bëjnë rezultat, por ishte e vështirë. Ishte nxehtë dhe terreni i thatë. Nuk menaxhuam situatën dhe Kastrioti mbylli sulmet tona, luajti në kundërsulm. Ne rrezikuam dhe nga ky rrezik pësuam golin”.
